काठमाडौं, ३ असार । असंवैधानिक सरकारले
राजीनामा दिनुपर्ने माग सहित आन्दोलनमा रहेको नेविसंघले आइतबार साँझ
निकालेको मसाल जुलुसमा प्रहरीले अन्धाधुन्द लाठी प्रहार गरी तीन
दर्जनभन्दामाथी विद्यार्थीलाई घाइते बनाएको नेविंघले जनाएको छ ।
प्रहरीको निर्मम आक्रमणपछि हिजै साँझ
रिपोर्टर्स क्लवमा आयोजित पत्रकार सम्मेलनमा नेविसंघका अध्यक्ष रञ्जित
कर्णले प्रहरीले शाहीकालमा कमल थापाले गरेको दर्मन विर्साउने बर्बर दमन
वर्तमान गणतान्त्रिक सरकारले गरेको भन्दै प्रहरी दमनको विरुद्धमा सशक्त
आन्दोलनमा उत्रने घोषणा गरे । प्रहरी आक्रमणमा घाइते भएका ३२ जनाको उपचार
राजधानीको बागबजारस्थित मोडल हस्पिटलमा उपचार भइरहेको छ । घाइते हुनेहरुमा
लक्ष्मी दाहाल, सूर्य ढकाल, मनोहरी श्रेष्ठ, विरेन्द्र शर्मा, जिवलाल खरेल,
लेखनाथ पोखरेल, दिनेश थपलिया,रमेश रिजाल, सरोज धिताल, जगदिश खाँड, भगवान अधिकारी, रमेश
लौडेल, गणेश सापकोटा, अन्जित खनाल, दिनेश भुर्तेल, प्रेम बलायर, ओम गुरुङ,
शैलेन्द्र घिमिरे, डिल्ली सुवेदी, कल्पना खड्का, वसन्तराज भाटलगायतका रहका
छन् । थपलिया को हातमा गम्भिर् चोट लागेको छ।
उनका अनुसार सोमबार विहान ९ बजेदेखि १०
बजेसम्म देशैभरि एकसाथ चक्का जाम गर्ने तथा सरकारी क्याम्पस अगाडि दिनभरि
नै सरकार गाडी गुड्न नदिने आन्दोलनका कार्यक्रम घोषणा पत्रकार सम्मेलनमा
गरेका छन् । पार्टीको औपचारिक कार्यक्रम अनुसार सोमबारै अपरान्ह २ बजे
गरिने एयरपोर्ट घेराऊ कार्यक्र गरिने जानकारी पत्रकार सम्मेलनमा दिइयो ।
पार्टीको कार्यक्रम अनुसार साँझ
बाल्मिकी क्याम्पसबाट निकाल्न लागिएको मसाल जुलुस विश्वभाषा क्याम्पस र
नेपाल पुलिस क्लवको गेटमा पुगेपछि प्रहरीले नियोजित रुपमा घेरा हालेर
आक्रमण गरेको अध्यक्ष कर्णले जानकारी दिनुभयो । सो क्रममा ३२ जना घाइते
भएको र १२ जनाको टाउको फुटेको छ । घाइते मध्ये कैयौं महिला समेत भएको
जानकारी अध्यक्ष कर्णले दिनुभयो ।
पत्रकार सम्मेलनमा तरुण दलका अध्यक्ष
उदय शमशेर राणाले प्रहरीले घाइतेहरुलाई उपचार गर्न अस्पतालभित्र छिराएपछि
पनि छानी छानी आक्रमण गरेको भन्दै प्रहरी ज्यादतीको निन्दा गरे । प्रहरीले
नेपालको इतिहासकै बर्बर दमन गरेको भन्दै दमनमा संलग्न प्रहरी अधिकृत दिप
शम्शेर राणालाई तत्काल निलम्वन गरेर कारवाही प्रक्रिया अगाडि बढाउन
सरकारसँग माग गरे ।
www.reportersnepal.com